Rekrutonte luftëtarë për IS, kapet kreu i celulës terroriste, lidhja e tij me imamët shqiptarë

Policia italiane ka arrestuar një 52-vjeçar boshnjak si pjesë të një celule terroriste që rekrutonte luftëtarë për shtetin islamik të IS.

52-vjeçari u vendos në “lupën” e policisë pas dyshimeve që ka transferuar shuma të mëdha parash për organizata terroriste. Paratë janë të dorëzuara personalisht dhe nëpërmjet palëve të treta. Në veçanti, njeriu me origjinë boshnjake akuzohet se ka siguruar mbi 50 mijë euro për celulat xhihadiste: paratë nevojiteshin për të mbështetur grupet që vepronin në Bosnje dhe për të rekrutuar luftëtarë të rinj që do të ndaheshin në zonat e ndryshme ku Kalifati operonte.

Por nuk ishte vetem Bosnja një prej destinacioneve të tij, por edhe Shqipëria. Sipas mediave italiane, janë siguruar kontakte mes shqiptarit dhe një Imami, të dy merreshin me rekrutim që prej vitit 2014. Po atë vit, ai organizoi një turne lutjesh në veri të Italisë për të gjetur milici xhihadistësh, e më pas bëri ç’mundi që t’i dërgonte për të luftuar për shtetin islamik.