Zbardhet ngjarja e ndodhur në Radhimë të Vlorës mesditën e sotme në plazh, ku turistët u “terrorizuan” nga të shtënat me armë. Mësohet se sherri ka ndodhur mes dy vëllezërve dhe njëri prej tyre ka nxjerrë armën dhe e ka shkrepur, fatmirësisht pa lënduar njeri.
Të dy vëllezërit janë pronarë të plazhit në Radhimë. Njëri prej tyre ka ardhur nga Anglia dhe ka shtënë në drejtim të vëllait. Benjamin dhe Edison Kondi janë konfliktuar me njëri-tjetrin për administrimin e plazhit se cili nga të dy kishte të drejtën për të përfituar prej menaxhimit.
Sipas policisë konflikti ka degraduar duke nxjerrë armën dhe Benjamini ka shtënë në drejtim të vëllait të tij Edisonit. Nga të shtënat nuk ka persona të lënduar.
Discussion about this post