Një aksident tragjik ka ndodhur ditën e sotme në Greqi ku për pasojë kanë humbur jetën dy persona.
Mediat greke, bëjnë me dije se si pasojë e aksidentit, ka humbur jetën një 15-vjeçare shqiptare, ndërkaq kanë mbetur të plagosur dhe 5 të tjerë.
Mësohet se 15-vjeçarja ka qenë duke bërë shëtitje në det me të dashurin e saj dhe një çift tjetër. Në aksident ka ndërruar jetë dhe një 23-vjeçar.
Mediat greke raportojnë se makina me të cilën udhëtonin katër të rinjtë ka dalë nga rruga duke goditur një pemë dhe më pas janë përplasur kokë më kokë me një mjet bujqësor që po kalonte aty në ato momente.
Brenda mjetit bujqësor kanë qenë djali me nënën e tij 76-vjeçare, të cilët ndodhen në spital pasi kanë marrë plagë të lehta gjatë aksidentit.
Ndërsa i riu 23-vjeçar, që humbi jetën, ishte edhe drejtuesi i makinës ku ndodhej dhe adoleshentja shqiptare. I riu nuk kishte leje drejtimi, ndërsa mjeti i përkiste nënës së tij.
Discussion about this post