Policia e Fierit ka reaguar lidhur me zjarrin e rënë paraditen e sotme në ambientet e spitalit të Fierit. Sipas policisë, zjarri ka rënë rreth orës 10:00 në spitalin Rajonal Fier, në repartin e grafisë.
Në vendngjarje kanë shkuar shërbimet e Policisë dhe shërbimet zjarrfikëse të cilët bënë të mundur fikjen e zjarrit. Fatmirësisht nga zjarri nuk ka persona të dëmtuar.
Shkak mendohet të jetë bërë një shkëndijë elektrikë në repartin e grafisë që ndodhet pranë spitalit pediatrik. Grupi hetimor po punon për zbardhjen e shkakut të rënies së zjarrit.
Discussion about this post