Një ditë para protestës së paralajmëruar të 7 korrikut, kreu i PD-së, Sali Berisha po zhvillon një takim me përfaqësues të shoqërisë civile. Berisha tha se është e paimagjinueshme përfshirja e të moshuarve në azil, në aferën e inceneratorëve. Kreu i PD-theksoi se mafia qeveritare u ka vjedhur kartat e identitetit pensionistëve që figurojnë biznesmenë me 30 mln dollarë pasuri.
“Edi Rama po abuzon me besimin dhe dinjitetin e shqiptarëve. Temperaturat janë të larta por më të larta është urrejtja për këtë dhunues. Nderim për të gjithë ata që nesër do të mbushin bulevardin. Qytetarët janë njohur tashmë me mënyrën e paimagjinueshme të vjedhjes së parave të thesarit të shtetit duke shpallur biznesmenë njerëz të moshuar në azile, njerëz të cilëve u kanë vjedhur kartat e ID, njerëz që nuk kanë asnjë lidhje, por vetëm një fat, mafia qeveritare e djegësave ka vendosur t’i përdorë ata për të vjedhur gjatë kësaj periudhe 60 milionë euro.
Ndërkohë që qytetarëve që përballen me rritje të papërmbajtshme të çmimeve nuk u kompensohet një qindarkë e vetme. Qindra milionë euro janë ndarë mes oligarkëve. Në këtë periudhë krizë, Edi Rama nuk njeh kufi me vjedhjen.”-tha Berisha.
Discussion about this post