Këtë të enjte ka nisur seanca plenare ne Kuvend, ku një ndër temat e ditës është dhe anëtarësimi i Finlandës dhe Suedisë në NATO
Në fjalën e tij në Kuvend, Enkelejd Alibeaj u shpreh se Grupi Parlamentar i PD është pro anëtarësimit të Finlandës dhe Suedisë. Gjithashtu ai kërkoi që të mos zvarritët futja rezolutës për gjenocidin serb në Kosovë.
“Nuk ka dyshim që jemi dakord për ndryshimin e rendit të ditës. Jo vetëm si shprehje e vullnetit politik, por më shumë se kaq. Situata që është duke kaluar planeti e bën rëndësinë e NATO-s një element kyç të garantimit të sigurisë dhe lirisë në këtë planet, Grupi i PD shprehet pro që të futet në rendin e ditës dhe po ju them votën tonë pro për këto dy protokolle. Që në 27 maj kemi paraqitur një projektrezolutë për dënimin e gjenocidit serb në Kosovë. E kam kërkuar disa herë. Ashtu si vullneti ynë pro për dy protokollet për aderimin e dy vendeve në NATO, besoj që është detyrim i çdokujt prej nesh këtu që të mos e shtyni dhe zvarrisni rezolutën që kemi kërkuar ne. Ne sot do shqyrtojmë dhe një rezolutë për dënimin e gjenocidit serb në Srebrenicë. Ashtu siç duhet të shprehim vullnetin pro për Srebrenicën e kemi një detyrim më të madh për gjakun e tonë. Është e njëjta situatë, i njëjti agresor dhe nuk e kuptoj indiferencën tuaj për ta diskutuar si shenjë vullneti e plotë dhe jo hipokrite për të dënuar gjenocidin serb në Kosovë, mocioni i debatit duhej të ishte zhvilluar deri në darë 27 qershor. Nuk e kuptoj cila është ajo forcë që ju pengon. Siç dhamë votën pro duhet të ndryshoni rendin e ditës”, tha Alibeaj.
Discussion about this post