Një trafikant 45-vjeçar është vënë në prangat e policisë shqiptare gjatë operacionit të koduar “Member”. Mësohet se 45-vjeçari, i identifikuar si A.K ishte shpallur në kërkim ndërkombëtar nga Gjykata e Madridit për veprën penale “Pjesëmarrja në grup kriminal me qëllim kultivimin e bimëve narkotike”. Operacioni u zhvillua në lagjen “Bishnak” Fier, ku ky shtetas u vu në pranga ndërsa do të ekstradohet drejt Spanjës.
“Operacioni, nga FAST Albania, në bashkëpunim me DVP Fier dhe Interpol Tirana.
Kapet dhe vihet në pranga, në Fier, me qëllim ekstradimi drejt Spanjës, 45-vjeçari i shpallur në kërkim ndërkombëtar për pjesëmarrje në grup kriminal me qëllim kultivimin e bimëve narkotike.
Shërbimet e FAST Albania, në bashkëpunim me Seksionin për Hetimin e Narkotikëve në DVP Fier dhe me Interpol Tirana, pas marrjes së informacionit për vendodhjen e një shtetasi të shpallur në kërkim ndërkombëtar, finalizuan operacionin policor të koduar “Member”.
Si rezultat i këtij operacioni, në lagjen “Bishanak”, Fier, u kap dhe u vu në pranga, me qëllim ekstradimi, shtetasi A. K., 45 vjeç, banues në Fier.
Ky shtetas ishte në kërkim ndërkombëtar pasi Gjykata e Madridit, me vendimin e datës 27.04.2022, i ka caktuar masën e sigurisë “Arrest në burg”, për veprën penale “Pjesëmarrja në grup kriminal me qëllim kultivimin e bimëve narkotike”.”-njofton policia.
Discussion about this post