Një tjetër vatër zjarri është regjistruar ditën e sotme në vendin tonë. Mësohet se zjarri ka rënë në fshatin Fanar të Finiqit të Sarandës, si dhe ka rrezikuar disa banesa aty pranë.
Nga zjarri ka vetëm dëme në pemëtari dhe vreshta. Zjarrfikësit të bashkisë Finiq kanë arritur të shuajnë zjarrin. Ende nuk dihen shkaqet e rënies së zjarrit në këtë zonë.
Ndërkaq pak më para, Gijotina.com raportoi se dhe flakët kanë përfshirë dhe zonën midis Tragjasit dhe Dukatit.
Burimet bëjnë me dije se zjarrin e kanë vendosur çobanët.
Ndërkohë efektivët e stacionit të zjarrfikësve të Orikumit kanë bllokuar flakët dhe po e fikin.
Discussion about this post