Një operacion i organizuar i njësive speciale në Bosnjë Hercegovinë kanë vënë në pranga Elvis Kelmendin, djalin e biznesmenit kosovar të akuzuar për trafik droge, krim të organizuar dhe vepra të tjera penale.
Kelmendi u arrestua të martën bashkë me gjashtë persona të tjerë në Sarajevë.
Elvis Kelmendi figuron në listën e zezë të SHBA-së si trafikant i drogës, së bashku me babain e tij Naser Kelmendin dhe vëllëzërit Besnikun dhe Liridonin.
Aksioni i Policisë ka qenë i mbikëqyrur nga Prokuroria e Bosnje dhe Hercegovinës me urdhër të gjykatës shtetërore, raporton “n1”.
“Po kontrollohen disa objekte dhe mjete transporti me qëllim të mbledhjes së provave materiale”, thuhet në njoftim.
Operacioni është ende në vazhdim për këtë nuk janë dhënë më shumë detaje.
Kush është Elvis Kelmendi?
Elvis Kelmendi është i dënuar nga drejtësia në Kosovë me 4 vjet për një krim të kryer në Sarajevë. Ai u shpall fajtor nga drejtësia kosovare për vrasje në tentativë të një të riu boshnjak.
Elvis Kelmendi kishte provuar të vriste Elvis Hoxhiqin në nëntor të 2010 në Sarajevë duke shtënë të paktën shtatë herë në drejtim të tij. Rasti kishte ndodhur me 9 nëntor 2010 në kafe-barin “Band” që gjendet në rrugën Ismet Mujezinoviq” në Sarajevë rreth orës 23 e 50. Elvis Kelmendi qëlloi ndaj Hoxhiqit me armë “Glock” kalibër 9.19 milimetra duke i shkaktuar lëndime trupore e duke ia rrezikuar jetën.
Kelmendi e pranoi fajësinë në atë kohë pasi një prokuror i EULEX-it ia ndryshoi akuzën nga vrasje e rëndë në tentativë që është e dënueshme minimumi 10 vjet burgim, në vrasje në tentativë.
Discussion about this post