Një shtëpi dykatëshe është shkrumbuar nga flakët në Shkodër. Mësohet se 12 anëtarë të familjes Bushaj në fshatin Kullaj të njësisë Postribë kanë mbetur në qiell të hapur.
Personat që ndodheshin në shtëpi në momentin që ka rënë zjarri kanë arritur të shpëtojnë. Zjarri ka rënë në një prej dhomave të shtëpisë dhe më pas ka marrë përmasa të mëdha, duke u përhapur në të gjitha dhomat.
Tahir Bushaj, vëllai i dy kryefamiljarëve të shtëpisë, tregon se zjarri është shkaktuar nga luhatja e tensionit të energjisë elektrike. Ndërkohë, ka një apel që ti vijnë në ndihmë familjes, pasi gjendja e tyre ekonomike është e vështirë.
Në vendngjarje mbërritën 4 automjete zjarrfikëse nga Shkodra, të cilët për më shumë se 2 orë u munduan të shuanin flakët e zjarrit.
Discussion about this post