Redjan Haderi, së bashku me Andrea Caushi dhe Visi Caushi (vëllezër), janë tre të dyshuarit e policisë të cilët pas një konflikti të çastit hapën zjarr me breshërinë e një arme automatike ndaj biznesmenit 35-vjeçar, Spiro Iljadhi.
Nga plumbat mbeti i plagosur edhe një kalimtar i rastit. Mësohet se ashtu si kalimtari, por edhe biznesmeni janë jashtë rrezikut për jetën.
Redjan Hajderi i shpallur në kërkim është një emër i njohur për policinë. Ai në vitin 2017 ra në prangat e policisë së Tepelenës për shkak se akuzohej për “Plagosje e lehtë me dashje” dhe “Prodhim dhe mbajtje pa leje të armëve luftarake dhe municionit”.
