Bashkia Tiranë do të shpenzojë 20 milionë lekë për të siguruara makinat e stafit të Drejtorisë së Rrugëve dhe Ndriçimit. Në një kohë ku ndriçimi është katastrofë në rrugët e Tiranës, madje kohët e fundit pothuajse mungon fare, pasi Balluku ka dhënë urdhër të kursehet, Veliaj i shpenzon paratë për qejf të tij.
Me tenderin e publikuar së fundmi ai ka vendosur t’u paguajë siguraconin e makinave punonjësve të ndriçimit, të cilët në fakt nuk po bëjnë asnjë punë. Bëhet fjalë për një tender me objekt “ Shpenzimet e siguracionit të mjeteve të transportit” të mbajtur me 27 qershor dhe procedurat janë mbyllur me 7 korrik. Për një kohë kaq të shkurtër Veliaj ka mbyllur të gjitha procedurat e tenderit në shkelje të ligjit. Pasi në dokumentet e publikuara evidentohet se ka paraqitur ofertë për këtë projekt vetëm kompania INSIG, me administrator Gëzim Tola.
Në vend që të pezullonte procedurat, pasi ligji nuk lejon vazhdimin e garës me një ofertues, Veliaj ka shpallur menjëherë fitues INSIG. Bashkia Tiranë ia bëri këtë dhuratë kompanisë në fjalë, edhe pse kishte ofertë të kripur sa 89% e fondit limit. Për këto arsye Open Data e klasifikon këtë në projektet me RedFlag, pasi ka shkelur ligjin për konkurrencën dhe është tender klientelist. Ndërkaq, theksohet se këto tendera në kohës krize dhe me një kompani oligarkësh në garë, nuk janë gjë tjetër veçse afera për të përfituar Veliaj dhe miqtë e tij.
INSIG një fantazmë
INSIG është një fitues i paracaktuar në këtë tender, duke ditur që pas kësaj kompanie qëndrojnë biznesmen të mëdhenj dhe të njohur si gllabërues të parave tona.Në rastin konkret “INSIG SH.A” është një nga fasada që përdoret nga pronarët e vërtetë, sepse pas saj qëndron kompania EUROSIG SHA. Kujtojmë se EUROSIG bleu INSIG në vitin 2016, kur kjo kompani kishte mjaftë probleme financiare. EUROSIG është e njohur si një nga kompanitë monopol në tregun e sigurimeve dhe duket se ka pasur marrëdhënie të mira më çdo qeveri, duke qenë se ka fituar shumë tendera. Të dhënat e Agjencisë së Prokurimeve publike tregojnë se Eurosig ka marrë mbi 100 tendera, shumica të dyshimtë, përmes “INSIG SH.A”., me vlerë dhjetëra milionë euro dhe pothuajse pa kryer ndonjë shërbim me produkt konkret. Rreth 60 tendera me vlerë dhjetëra milionë euro i ka marrë vitet e fundit vetë EUROSIG drejtpërdrejt.
Burimi kryesor i kalimit të parave në llogari të EUROSIG janë bashkitë. Në vijim detaje për çdo tender korruptiv dhe se po ndahen paratë publike mes disa zyrtarëve të korruptuar dhe kokave të sigurimeve në Shqipëri. Tenderi 100 milionë lekë që Ardi Veliut i ka dhënë EUROSIG, përmes INSIG, si dhe ky që folëm më lartë janë thjesht një shembull ilustrues, që tregojnë se këto kompani kanë bërë kërdinë edhe gjatë kohës së pandemisë kur vendi u zhytë në krizë të thellë financiare. Sikur duket EUROSIG, përdor INSIG për grumbullim dhe pastrim parash por kurrë nuk është hetuar nga SPAK, duke qenë se ky i fundit i ka falur vetë tendera pa garë oligarkut Kadri Morinaj, aksionarit më të madh të EUROSIG.
Discussion about this post