Një e mitur 15-vjeçare është bërë nënë për herë të parë dhe çështja në fjalë ka kaluar menjëherë në duart e policisë së Kosovës. E mitura lindi sot rreth orës 12:40, ndërsa sipas mediave vendase ajo bashkëjetonte me një person të rritur me një diferencë më të madhe moshe. 15-vjeçarja ishte dërguar në spital dje.
“Patrulla policore dhe hetuesit kanë shkuar në Spitalin Rajonal të Prizrenit , prej nga kanë marrë informacion se e mitura ka qenë në duke jetuar në fshatin Metvecë. Pas konsultimin me prokurorin kujdestar, është hapur rast për veprën penale “Bashkësia jashtëmartesore me personin nën moshën gjashtëmbëdhjetë vjet”.
Është intervistuar i dyshimti dhe janë mbledhë provat dhe dëshmitë e nevojshme”, thuhet më tej në njoftim.
Discussion about this post