Ish-ministri Lefter Koka është transportuar sot në spitalin e burgut. Mësohet se ish-ministri ndodhet në gjendje të rëndë shëndetësore. Koka u arrestua nëntorin e kaluar, me akuzën e shpërdorimit të detyrës, korrupsionit dhe pastrimit të parave. Ai dyshohet se për ndërtimin e Inceneratorëve të Elbasanit dhe Fierit ka përfituar ne formë ryshfeti, rreth 4.9 milion euro.
Pas caktimit të masës së sigurisë “arrest me burg”, për inceneratorin e Fierit, ish-ministrit Koka, SPAK i sekuestroi katër pasuri të paluajtshme, me sipërfaqe totale prej 3 344.8 m2.
Pasuritë e sekuestruara kapin vlerën e rreth 1.2 milion eurove, shumë e cila përkon me abuzimet që Koka dyshohet se ka përfituar në mënyrë abuzive për koncesioni e inceneratorit të Fierit.
Pak kohë më parë, ish-ministri bëri rekurs në Gjykatën e Lartë për pasurinë e sekuestruar për inceneratorin e Fierit. Me anë të rekursit tashmë të depozituar në Gjykatën e Lartë, ish-ministri i Mjedisit ka kërkuar zhbllokimin nga sekuestro të katër 4 pronave, të bllokuara me urdhër të SPAK si pjesë e hetimit pasuror që po kryhet ndaj tij, për rastin e inceneratorit të Fierit
Discussion about this post