Autorët për atentatin e djeshëm në Milot që tronditi vendin dyshohet se janë porositur nga kundërshtarët e dy shënjestrave Klisman Preçi dhe Ylli Brahimit.
Organizmi i tyre është identik me atë të sagës së atentateve mafioze të shënuara ndër vite në vend. Atentatorët kanë qenë të kujdesshëm në fshehjen e gjurmëve të krimit. Ndërsa janë edhe disa detaje të tjera për të cilat grupet hetimore dalin garant që kemi të bëjmë me një atentat të mirëorganizuar.
Koha dhe vendi ku u krye atentati është një prej lëvizjeve të kryesore të atentatit. Lagja ku banon një prej shënjestrave Ylli Brahimi nuk është pajisur me kamera sigurie. Sakaq theksojmë se autorët u kanë zënë pritë shënjestrave në hyrje të pallatit. Policia ka sekuestruar kamerat përreth zonës me shpresën për të zbardhur lëvizjen para dhe pas atenatit të autorëve, por deri më tani hetimet ngelen në pikën zero dhe jo me fakte konkrete.
Ngjarja ka ndodhur pak para mesnatës, në orar ku nuk ka patur lëvizje të banorëve të lagjes. Autorët janë përpjekur të sigurohen që në vendin e ngjarjes nuk do të ketë dëshmitarë okularë.
Dhe detaji i më i rëndësishëm që përforcon faktin se kemi të bëjmë me një atentat të mirëroganizar dhe të porositur është zhdukja e provave.
Pas atentatit, një makinë e djegur u gjet në Borizanë. Dyshohet që makina e djegur të jetë përdorur nga autorët.
Policia ka shoqëruar dhjetëra persona në polici, megjithatë ata nuk kanë dhënë shpresë në zbardhjen e atentatit pasi janë të afërm të viktimës dhe të plagosurit dhe banorë të lagjes të cilët dyshohet se mund të kenë qenë prezent në momentin kur atentatorët kanë hapur zjarr ndaj Klisman Preçit de Ylli Brahimit.
Dinamika paraprake e ngjarjes
Nga hetimet dhe raportimet e deritanishme të gijotina.com dyshohet se autorët kanë pritur në katin e parë të pallatit ku jetonte Brahimi dhe kanë pritur derisa dy shokët të ktheheshin nga kafja dhe të hapnin zjarr.
Sapo makina e shënjestrave iu afrua për të hyrë në rrugën e pallatit, dolën dy atentatorët dhe qëlluan me breshëri plumbash në drejtim të makinës. Duke qenë se mjeti ishte i blinduar, njëri prej tyre është afruar tek xhami dhe ka qëlluar në distancë të afërt dhe me pas ata janë larguar me automjetin tip Audi. Para ngjarjes Ylli Ibrahimi dhe Klisman Preçi kishin qenë në një lokal në qendër të Milotit disa metra larg banesave të tyre dhe siç duket atentatorët i kanë ndjekur lëvizjet e tyre.
Plani i tyre dyshohet se ishte ekzekutimi i Ibrahimit por i vdekur ka mbetur Klisman Reçi. Megjithatë nuk përjashtohet as mundësia që atentati të jetë organizuar për të dy personat pasi të dy rezultojnë me precedentë të theksuar kriminal.
Discussion about this post