Shefi i organizimit në partinë Demokratike, Klevis Balliu, ka reaguar në lidhje me superskandalin e Drejtorit të Përgjithshëm të Doganave. Kujtojmë se lajmi që Gent Gazheli ka promovuar në poste drejtuese në dikasterin që drejton, persona të përfshirë në kontrabandë dhe krim të organizuar në Greqi, po bën xhiron e rrjetit. Ndërkohë opozita nuk ka mbetur pa e komentuar dhe denoncuar këtë rast. Kështu, përmes një postimi në Facebook, Balliu shprehet se pasi emëruan banditë në krye të shtetit tashmë drejtorët e Ramës bëjnë presion edhe ndaj gazetarisë që i denoncon. Ai shton se kemi të bëjmë me një rast unikal në botë, ku zyrtarë të korruptuar godasin haptaz denoncuasit dhe nuk merret asnjë masë ndaj tyre.
“Pasi emëruan banditë në institucionet e shtetit, tashmë bëjnë edhe presion ndaj gazetarisë që i denoncon. Është rast unikal në botë që të korruptuarit me kollare haptazi godasin denoncuesit dhe nuk merret asnjë masë ndaj tyre. Edvinoviçi e ka sistem sulmin ndaj mediave ndaj dhe liria e saj sot është më e kërcënuar se kurrë”, shkruan Balliu në facebook. Sakaq, ai i kërkuar SPAK të nisë hetimet dhe të bëj punën që i takon.
Discussion about this post