Një rast dhune në familje është raportuar që në orët e para të ditës së sotme në Fier. Bëhet me dije se Specialistët për Hetimin e Krimeve në Komisariatin e Policisë Fier arrestuan në flagrancë shtetasin B. M., 57 vjeç, banues në Fier, pasi ka ushtruar dhunë fizike ndaj motrës së tij. Nuk dihen shkaqet e kësaj ngjarje por e dhunuara dhe autori po merren në pyetje për të zbardhur më shumë detaje. Materialet i kaluan Prokurorisë, për veprime të mëtejshme procedurale.
Dhuna në familje është një plagë e vjetër në shoqërinë tonë, por në kohët e fundit ky fenomen ka ardhur në rritje dhe ende nuk është bërë asgjë. Jo më shume se dy javë më parë janë raportuar rastet kur djali ka goditur me thikë nënë në Fier dhe djali që mbyti babin në Lushnjë. Shifrat janë të frikshme dhe nuk ka shenja ndërgjegjësimi.
Discussion about this post