Deputetja demokrate Ina Zhupa u shpreh jashtë ambienteve të Kuvendit të sotëm se kishte bërë kërkesë bashkë me disa kolegë demokratë që në rendin e parë të ditës të vendosej dhe çështja e Butrintit, por nuk u mor parasysh.
Zhupa kërkoi interpelancë me Ministren e Mjedisit Mirela Kumbaro, ndërsa kërkesa nuk është llogaritur fare në rendin e ditës në seancën e Kuvendit të sotëm, ku ndër të tjera ishte ndaluar edhe debati për vendimet e ndryshimeve të ministrave në qeveri.
“Jeni në dijeni të deklaratave antishqiptare që ka mbajtur Richard Hodges, pjesëtari i Fondacionit Amerikan-Shqiptare. Kemi bërë një kërkesë për interpelancë urgjente që duhet të ishte pika e parë e rendit të ditës sot. Një çështja me rëndësi, por nuk morëm asnjë shpjegim se pse nuk kishte vënë këtë çështja në rendi dite. Besoj se për qytetarët shqiptarë sot nuk është e rëndësishme nëse ikën Beni dhe vjen Bela, por bëhet fjalë për identitetin e shqiptarëve. Deklarata e Richard Hodges është fyerje, tradhti kombëtare. Dhe jo që të heshtjen përballë këtij fakti, bashke me pupacen në Ministrinë e Kulturës.”, tha Zhupa.
Discussion about this post