Prej disa javësh koronavirusi duket se është rikthyer në vendin tonë, pasi kemi pasur një numër në rritje të infektimeve dhe madje humbjeve të jetës. Situata në spitale nuk është fortë e mirë, madje numri i të shtruarve po vjen në rritje.
Mjekët në urgjenca bëjnë me dije se, 8 deri në 10 të infektuar në ditë nga Tirana dhe rrethet i drejtohen spitalit Covid 3 për ndihmë të specializuar mjekësore. Mjekët infeksionistë tregojnë se pacientët e shtruar janë kryesisht të moshave mbi 60 vjeç me sëmundje të zemrës, diabet apo probleme të tjera shëndetësore. “Pacientë të rënduar ka, grupmoshat janë diku te 60.75 apo 80 vjeç.”
Varianti “Ba5” mund t’i shpëtojë testit, ndërsa të prekurit prej tij negativizohen më ngadalë duke u bërë kështu përhapës të infeksionit. Prandaj mjekët apelojnë për të mos neglizhuar shenjat. “Nëse ke temperaturë, dhimbje koke shmang grumbullimet. Nuk ke pse ekspozohesh në ambiente dhe lokale.”
Megjithëse nënvariantet e “Omicron” janë më të lehta se format e mëparshme të Covid ditët e fundit nuk kanë munguar as humbjet e jetës. Mjekët tregojnë se kryesisht kanë qenë të moshuar dhe me sëmundje të tjera.
Discussion about this post