Paralelisht me procesin e numërimit të votave për kandidatët për deputetë, Ministrja e shëndetësisë Ogerta Manastirliu ka inspektuar edhe fushatën e vaksinimit në sheshin Skënderbej.
“Vaksinimi nuk ndalet”- shkruan Manastirliu në një status në facebook.
Procesi vaksinimit masiv po vijon me kalendar të kombinuar, për personat mbi 60 vjeç dhe punonjës të shërbimeve kritike. Në total janë kryer 417,146 doza të vaksinës ndaj COVID19, prej të cilave 322,710 vaksinime për personat mbi 60 vjeç.
Procesi i vaksinimit po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin, garanton ministrja.
