Majori dhe ushtaraku shqiptar, Ermal Dinoshi i përfshirë në skandalin e pak kohëve më parë, ku u kap duke kultivuar lëndë narkotike kanabis në Holandë, do marrë dënimin e merituar nga Ministria e Mbrojtjes.
Ermal Dinoshi, i trajnuar disa herë në Amerikë dhe Kanada do t’i duhet të heqë dorë përfundimisht nga karriera e tij si ushtarak.
Ministri i Mbrojtjes, Niko Peleshi ka urdhëruar nxjerrjen e tij në dispozicion.
“Pas sigurimit të informacionit më të plotë dhe dokumentacionit të ardhur është propozuar pezullimi nga detyra e Major Dinoshit, procedurë e finalizuar me daljen e urdhrit përkatës të Ministrisë së Mbrojtjes”, thuhet në dokumentin e siguruar nga TCH.
Ushtaraku shqiptar i përzgjedhur për të qenë pjesë e një misioni bashkëpunimi me ushtrinë e Holandës, në kuadër të NATO-s, dyshohet se në bashkëpunim, me persona të tjerë ngritën një shtëpi për rritje kanabisi në qytetin Brunsum.
Discussion about this post