“Fundoset” një tjetër ushtar i Nuredin Dumanit, arrestohet i shumëkërkuari (Emri)

në Aktualitet

Kohë leximi: 1 min

Agim Gjini 49 vjeç, një nga të shumëkërkuarit nga operacioni “Plumbi i artë”, i cili është dhe pjesë e grupit të Nuredin Dumanit, është vënë në pranga.

Gjini, është lënë në masën e sigurisë “Arrest në burg”, si i dyshuar për veprat penale “Vjedhja me dhune” dhe “Prodhimi dhe mbajtja pa leje e armëve dhe e municionit luftarak”, kryer në bashkëpunim, në formë të posaçme “Grupi i strukturuar kriminal”, si dhe “Kryerja e veprave penale nga grupi i strukturuar kriminal dhe organizata kriminale”.

Ndërkaq numri i të arrestuarve ka shkuar në 19.

Operacioni i koduar “Golden bullet” u drejtua nga Drejtoria e Përgjithshme e Policisë së Shtetit dhe nisi menjëherë pas arrestimit të të shumëkërkuarit, shtetasit Nuredin Dumani, i cili u arrestua si rezultat i operacionit policor të koduar “Arratia”, operacion i cili u zhvillua nga strukturat e Policisë së Shtetit, në bashkëpunim me Prokurorinë pranë Gjykatës së Rrethit Gjyqësor Elbasan.

Gjatë operacionit “Plumbi i artë” u lëshuan 32 masa sigurie, ku 9 prej tyre u ekzekutuan në burgje, 9 persona u arrestuan ndërsa 14 të tjerë u shpallën në kërkim.

Tashmë me arrestimin e Gjinit, numri i të shumëkërkuarve që janë ende në arrati shkon në 13.

13 PERSONAT NË KËRKIM:

1.Eljo (Ervis) Bitri,

2.Festim Qoli,

3.Alban Bengasi,

4.Ervis Martinaj,

5.Elvin Merlika

6.Alket Xhixha