Dy autorët e vrasjes së 41-vjeçarit në Sarandë, për një vend parkimi janë përlotur para Gjykatës. Dy vëllezërit Xhoi dhe Xhanelo Tarja kanë kërkuar falje me lot në sy për krimin e ndodhur pak ditë më parë në qytetin bregdetar të Sarandës.
Por pavarësisht, lutjes së tyre Gjykata e Sarandës i ka lënë në burg pa afat dy të rinjtë për vrasjen e kryer. Dy vëllezërit Tarja u arrestuan dy ditë më parë për krimin e ndodhur për shkak të një parkimi ku u masakrua me thikë, 41-vjeçari Klodian Bakiaj nga Tepelena. Mbi të dy vëllezërit Tarja rëndon akuza “Vrasje me dashje në bashkëpunim” .
Pas goditjeve me grushte që viktima i ka dhënë 18 vjeçarit ky u fundit u largua për momentin për t’u rikthyer përsëri ku grindja vazhdonte me vëllanë tjetër Xhanelo Tarja.
Xhoi ka goditur me thikë 41 vjeçarin Klodian Bakiaj, duke i marrë jetën. Ndërsa për Genci Ahmeti, administrator i hotelit ku punonin dy të rinjtë u mor si masë “Arrest me burg” me afat 1 muaj me akuzën “Veprime që pengojnë zbulimin e së vërtetës”.
Discussion about this post