Dy ushtarakët që u sulmuan dje në Uzinën e armëve në Gramsh nga dy rusë (një burrë e një grua) dhe një ukrainas janë larguar nga spitali në gjendje të mirë shëndetësore.
Ata u larguan pas vizitës së Ministrit të Mbrojtjes Niko Peleshi në spital. Mësohet se gjendja e tyre shëndetësore është e stabilizuar. Dy ushtarët shqiptarë u sulmuan me spraj kimik nga një rus teksa po e ndalonin që të futej në Uzinën e Armëve në Gramsh.
Pavarësisht sulmit, ushtarakët Albi Bici dhe Ardian Xhaka kanë arritur që ta ndalojnë 24-vjeçarin Mikhail Zorin dhe dy miqtë e tij të futen në Uzinë.
Discussion about this post