Ditën e sotme Klevis Balliu ka folur për rendin dhe sigurinë pas një javë të mbushur me ngjarje të rënda dhe kush e mban përgjegjësinë lidhur me këto situata të vështira që po ndodhin në vend.
Gjatë fjalës së tij Balliu ka theksuar se qeveria qëllimisht ka degraduar institucionet e shtetit shqiptar që janë aty për të mbrojtur shtetin dhe qytetarët shqiptarë, për shkak të një bashkëpunimi që ka me krimin e organizuar me bazë të interesit monetar dhe elektoral që ata kanë me mafien dhe krimin e organizuar.
“Tani është e qartë se rendi dhe siguria kanë rënë. Në 9 muaj kemi pasur 47 atentate ku 24 kanë qenë me pasojë vdekjen dhe 23 të plagosur.
Rasti i fundit ku është cenuar siguria kombëtare me sulmin ndaj ushtrisë dhe shtetit shqiptar, vërteton se si kanë rënë segmentet që mbrojnë Shqipërinë, shtetin dhe sigurinë e qytetarëve dhe jetës së tyre. Kjo nuk është e rastësishme, ka filluar që nga 2013 prej një kohe të gjatë që qeveria qëllimisht ka degraduar institucionet e shtetit shqiptar që janë aty për të mbrojtur shtetin dhe qytetarët shqiptarë, për shkak të një bashkëpunimi që ka me krimin e organizuar me bazë të interesit monetar dhe elektoral që ata kanë me mafien dhe krimin e organizuar.”
Discussion about this post