Anëtari i ish-bandës së Durrësit, Indrit Dokle, ka folur për herë të parë për zhdukjen e Ervis Martinaj.
Dokle është marrë në pyetje nga grupi hetimor dhe është shprehur se nuk ka asnjë lidhje me ngjarjen.
Dokle ka thënë se nuk ka asnjë dijeni mbi atë se çfarë mund të ketë ndodhur me biznesmenin e lojërave të fatit, duke u distancuar nga zhdukja e tij.
Indrit Dokle është marrë në pyetje pasi Nuredin Dumani, i cili tha se Martinaj i kishte ofruar një çek të bardhë në këmbim të kokës së kreut të fraksionit të Bandës së Durrësit në vitin 2012.
Kjo dëshmi bëri që Martinaj të futej në listën e të shumëkërkuarve nga operacioni “Plumbi i artë”, por pas muajsh kontrolle, familja e denoncoi të zhdukur.
Por megjithatë policia nuk përjashton asnjë pistë në lidhje me hetimin për rrëmbimin e mundshëm të Ervis Martinaj.
Edhe gjatë ditës së sotme grupi i hetimit është duke kryer kontrolle në dy ambiente të njohura në kryeqytet për të zbuluar nëse ka informacion ose pamje që mund të nxjerrin detaje nga kjo histori.
Kujtojmë që sot në Gjykatën e Kurbinit është zhvilluar seanca për komunikimin e masës së sigurisë arrest me burg për Jeton Lamin, agjentin e forcave operacionale që ka ndihmuar, përkrahur dhe transportuar të shumëkërkuarin Ervis Martinaj.
Discussion about this post