Detaje të tjera kanë dalë nga tragjedia e dyfishtë që ndodhi mbrëmjen e shkuar në Fshati Grykë Zezë në familjen Përjaku. Ish-dhëndri i kësaj familje, Besnik Pjetri ka vrarë me armë zjarri Pjetër dhe Gent Përjakun (babë e bir). Burimet bëjnë me dije se autori, i shpallur në kërkim, Besnik Pjetri i denoncuar nga gruaja, ka bërë 2 vite burg në Itali për dhunë në familje.
Me sa duket ky denoncim dhe dënimi që kreu jo vetëm që nuk e ka ndërgjegjësuar Pjetrin, por e ka acaruar atë edhe më shumë duke vendosur të marrë “hak” ndaj ish-bashkëshortes. Kështu, mbrëmjen e shkuar ai u ka shkuar në shtëpinë e ish-gruas së tij mbrëmjen e djeshme dhe pas një konflikti ka nxjerrë armën dhe vrau ish-vjehrrin Pjetër Përjaku dhe Gent Përjakun, ish-kunatin e tij.
Autori i dyshuar ka qenë pjesë e asaj familje, ish- dhëndër i tyre dhe konflikti dyshohet se ka ardhur pas divorcit mes çiftit. Uniformat blu bëjnë me dije se janë ngritur pika kontrolli si dhe po bëhet krehja e zonës me qëllim lokalizimin dhe kapjen e autorit, i cili është arratisur menjëherë sapo ka kryer krimin.
Discussion about this post