Publikimi i disa dokumenteve për punësimet në Drejtorinë e Përgjithshme të Doganave vetëm pak kohë më parë solli një përplasje me akuza e kundërakuza mes televizionit në pronësi të botuesit Irfan Hysenbelliu dhe drejtorit të Doganës Gent Gazheli. Në këtë përplasje u përfshi edhe kryeministri Edi Rama.
Përfshirja e qeverisë në këtë përplasje mes Gazhelit dhe Hysenbelliut i dha një tjetër hov akuzave. Media në pronësi të botuesit të njohur e konsideroi përfshirjen e Ramës si “marrje në mbrojtje të drejtorit të vetë”.
Megjithatë duket se kryeministri Rama nuk ka qëndruar vetëm tek replikat me Hysebelliun, por është futur në aksion.
Fadromat e IKTM-së kanë nisur prishjen e ambienteve të jashtme të “Prestige Resort” në Durëss, mëngjesin e sotëm e cila është në pronësi të Hysebelliut.
Kryeministrit Rama ka nisur hakmarrjen dhe për këtë ka përdorur kamikazin e tij, pasi drejtori tjetër nuk pranonte. Mësymja ndaj Shtetit nga qeveria vazhdon, pasi duke shfrytëzuar situatat kaotike të krizës në vend, qeveria duket se marrë në dorë kontrollin e policisë e institucioneve të tjera.
Me urdhër të kryeministrit Rama u shkarkuan brenda 24 orëve 4 zyrtarë. Shkarkimin nga detyra e drejtorit të Përgjithshëm të Policisë së Shtetit, Gledis Nano dhe të dy zëndësministrave, Ardi Veliu dhe Dallëndyshe Bicit, kjo e fundit u rikthye në zyrat e IKMT-së.
Ky është një rikthim i Bicit, e cila ndërkohë ka një dosje të hapur në Prokurori. Kujtojmë se Bici është nën hetim për shpërdorim detyre, për prishjen e ndërtimeve me leje.
Nga detyra u lirua dhe drejtoresha e Përgjithshme e Pastrimit të Parave, Iris Ago.
Discussion about this post