Kryeministri Edi Rama ka prezantuar sot paketën e dytë të rezistencës në kuadër të krizës që ka përfshirë të gjithë botën. Kreu i qeverisë bëri me dije se me këtë ndërhyrje paga minimale nga 32 mijë lekë do të shkojë 34 mijë lekë.
Në një deklaratë zyrtare, Rama u shpreh gjithashtu se do të ketë rritje pagash dhe për punonjësit e administratës dhe për Policinë e Shtetit, ndërsa premtoi dhe një rritje të ndihmës ekonomike.
“Të ndërhymë në një sërë drejtimesh ku ndërhyrjet janë aty për të qëndruar. Do të thotë që për pensionet indeksohen një herë në vit kjo ndodh në prill dhe janë indeksuar këtë vit në prill duke marrë parasysh edhe efektin e inflacionit, por për herë të parë do të riindeksohen, pra do llogariten me normën e inflacioni që shkon në 6 %. Kjo do të ndodhë edhe për personat me aftësi të kufizuara. Bëjmë një ndërhyrje për një lehtësim për të gjithë këta persona, do të rrisim edhe njëherë me 10% ndihmën ekonomike dhe do ta dyfishojmë për gratë familjare me dy fëmijë, të cilat janë pa punë, do të vazhdojmë programin e rritjes së pagave siç është njoftuar për sektorët qeveritarë. Do rrisim pagat për administratën dhe policinë e shtetit dhe atë të burgjeve. Edhe këto nuk kishin mos rritje pagash prej disa kohësh. Do të ketë një rritje tjetër të pagës minimale në 34 000 lekë të reja dhe më këto ndërhyrje në besojmë se i kapërcejmë paketat e natyrës një pako për dy apo për tre muaj dhe krijojmë një baze të rëndësishme rezistence”, tha Rama.
Discussion about this post