Blutë e Vlorës kanë organizuar një operacion kundër trafikimit të lëndëve narkotike në qytetin e Vlorës. Mësohet se në pranga kanë rënë shtetasit R.Z, 33 vjeç, E.Gj, 34 vjeç dhe B.A, 27 vjeç, të cilët dyshohet se trafikonin lëndë të dyshuar narkotike kokainë. Sipas bluve, është bërë procedimi penal i shtetasit B.A, 27 vjeç dhe M.Sh, 35 vjeç pasi posedonin me vete një sasi të konsiderueshme lëndë narkotike, kokainë.
“Specialistët për Hetimin e Trafiqeve dhe Narkotikëve në DVP Vlorë, kanë evidentuar dhe goditur 4 raste të veprimtarisë kriminale të shpërndarjes së lëndëve naktoike, për të cilat u bë arrestimi në flagrancë i shtetasve:
-R. Z., 33 vjeç, pasi në Dhërmi, gjatë kontrollit fizik, iu gjetë dhe sekuestrua një sasi lendë narkotike e dyshuar kokainë dhe MDMA si dhe disa tableta lëndë narkotike e dyshuar Ekstazi.
-E. Gj., 34 vjeç, pasi në Radhimë, gjatë kontrollit në automjetin që ky shtetas drejtonte dhe gjatë kontrollit fizik të tij, i janë gjetur dhe sekuestruar doza me lendë narkotike të dyshuara kokainë dhe Cannabis Sattiva.
Si dhe nisi procedimi penal në gjëndje të lirë për shtetasit:
-B. A., 27 vjeç, pasi në afërsi të rrethrrotullimit të Nartës, Vlorë, gjatë kontrollit fizik, i është gjetur dhe sekuestruar një sasi lëndë e dyshuar narkotike kokainë;
-M. Sh., 35 vjeç, pasi gjatë kontrollit fizik, i është gjetur dhe sekuestruar një sasi lëndë e dyshuar narkotike kokainë.”-njofton policia.
Discussion about this post