Hakerat gjunjëzuan “shtetin online” të Ramës, zbardhet telefonata e Blinken pas sulmit kibernetik

Teksa kanë kaluar pak ditë nga sulmi kibernetik nga Irani ndaj sistemeve online të vendit tonë, të TIMS apo dhe uebit të Policisë së Shtetit, Sekretari i Shtetit, Antony Blinken ka zhvilluar një bisedë telefonike me kryeministrin  Edi Rama. Gjatë telefonatës, mësohet se Blinken ka theksuar mbështetjen e plotë të SHBA ndaj Shqipërisë.

Reagimi i Ambasadës Amerikane:

“Sekretari i Shtetit Antony J. Blinken foli dje me kryeministrin shqiptar Edi Rama. Sekretari Blinken dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë, i cili pason sulmin kibernetik të Iranit ndaj Shqipërisë më 15 korrik. Sekretari theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale”. – Zëdhënësi i Departamentit të Shtetit të SHBA, Ned Price”