Zyrtarët e Ukrainës pretendojnë se kanë zbuluar një dhomë torturash të përdorur nga trupat ruse gjatë luftës.
Ministria e Mbrojtjes e Ukrainës ka postuar në Twitter atë që zyrtarët e saj besojnë se është një dhomë torturash e përdorur nga trupat ruse për të mbajtur të burgosur ukrainas në rajonin e Kharkiv. Në foton e publikuar duket se në qeli është shkruajtur një lutje fetare në gjuhën ukrainase.
Pas çlirimit të rajonit të Kievit, forcat ukrainase zbuluan një sërë krimesh lufte, duke përfshirë varre masive dhe trupa civilësh që mbanin shenja torture.
Një banor i tha BBC-sw se ai u mbajt nga rusët në stacionin e policisë së qytetit për më shumë se 40 ditë dhe u torturua me goditje elektrike. Po ashtu ai tha se mund të dëgjonte britma që vinin nga qelitë e tjera.
“Kishte një gjenerator elektrik. Sa më shpejt të shkonte, aq më i lartë ishte voltazhi. Ata thanë, ‘nëse e lëshon, ke mbaruar’. Pastaj filluan të bënin pyetje. Ata thanë se po gënjeja dhe filluan ta rrotullojnë edhe më shumë dhe tensioni u rrit”, tha ai për BBC.
Discussion about this post