Aleati i Putin shfaqet duke prerë dru, ironizon Europën: Nuk do t’ju lëmë të ngrini

Diktaktori bjellorus, Aleksandër Lukashenko ka publikuar një video ku shihet duke prerë dru. Teksa ka postuar videon lideri bjellorus nuk ka kursyer ironitë për Europën që po përballet me një krizë të furnizimit me gaz pas sanksioneve të vendosura ndaj Rusisë.

““Të mos e lëmë Evropën të ngrijë. Le të ndihmojmë vëllezërit tanë, ndoshta ata do të na ndihmojnë një ditë”, shkruan Lukashenko krah videos.

Lukashenko vijon më tej me ironinë teksa dëgjohet të thotë “Europa s’do zgjedhë nëse janë dru Krishtlindje apo pemë, mjafton që të jetë ngrohtë”.

Paralajmërimi i eksportuesit më të madh të gazit për Europën

Eksportuesi më i madh amerikan i gazit të lëngshëm natyror paralajmëroi se rezervat e kufizuara në të gjithë botën nënkuptojnë se ky dimër do të jetë shumë i ashpër.

Cheniere, i cili ka dërguar rreth 70% të gazit në Europë këtë vit, shtoi se ringjallja e kërkesës kineze për gaz të lëngshëm natyror do të përkeqësojë dhe më shumë krizën energjitike në Europë, ku furnizimi me gaz natyror nga Rusia nëpërmjet NordStream është ndërprerë. Sipas drejtuesve të kësaj kompanie do të jenë temperaturat dhe politikat qeverisëse që do të përcaktojnë atë që do të ndodhë në treg.

Belarusian dictator Alexander Lukashenko has released a video in which he’s chopping wood and saying:

“We won’t let Europe freeze, we will help our brothers, maybe they will help us someday”.

He then singled out the Polish PM and Poland’s president. pic.twitter.com/WDgbo061OB

— Visegrád 24 (@visegrad24) September 14, 2022

Për momentin, mjedisi aktual i çmimeve tregon se furnizimet me gaz natyror të lëngshëm do të vazhdojnë të shkojnë në Europë.

Shtetet e Bashkuara të Amerikës kanë përfituar nga cmimet e larta në Europë, falë pushtimit të Ukrainës nga Rusia këtë vit, duke rritur eksportet e gazit natyror të lëngshëm në një nivel të konsiderueshëm.

Kina gjithashtu po dërgon gaz të lëngshëm natyror në Europë në momentin që dhe politikat për zero Covid po peshojnë ende në kërkesën e brendshme.

Bloomberg raporton se transportues të mëdhenj përfshirë Sinopec dhe PetroChina kanë eksportuar një sasi të madhe gazi natyror të lëngshëm në vendet europiane që po përballen me vështirësi këtë vit.