Detaje nga vrasje e djeshme në Prishtinë, viktima dhe autori dolën për gjueti

Policia e Prishtinës ka dhënë detaje në lidhje me një vrasje e cila ka ndodhur ditën e djeshme në lagjen “Kolovicë e Vjetër” të Prishtinës.  Sipas njoftimit të policisë, ngjarja është klasifikuar si “vrasje nga pakujdesia”, kjo pasi viktima dhe i dyshuari kishin dalë për gjueti dhe autori nga pakujdesia ka qëlluar duke lënë të vdekur shokun e tij.

Nga ana e policisë është konfiskuar një pushkë gjuetie me shtatë fishekë, ndërkohë që autori pas marrjes në pyetje nga prokurori është lënë në burg.

Njoftimi i plotë:

VRASJE NGA PAKUJDESIA/Kolovicë e Vjetër, Prishtinë, 25.09.2022-10:35. Raportohet se i dyshuari mashkull kosovar derisa kanë qenë për gjueti-rekreacion, nga pakujdesia ka qëlluar me armë zjarri viktimën mashkull kosovar duke i shkaktuar lëndime vdekjeprurëse. Vdekjen e viktimës e ka konstatuar ekipi mjekësor në QKUK . Njësit relevante kanë dalë në vendin e ngjarjes. Nga i dyshuari është konfiskuar një pushkë gjuetie me shtatë fishekë. I dyshuari pas intervistimit me vendim të prokurorit është dërguar në mbajtje.