Zbardhen detaje të reja nga arrestimi i drejtuesit të Prokurorisë së Kukësit Edmond Karriqi me akuzën e korrupsionit.
Një burim nga grupi hetimor tha se Karriqi akuzohet se ka marrë shumën prej 2 mijë euro për të ndryshuar masën e sigurisë për një të pandehur.
SPAK, pas minformacioneve të marra, filloi që ta kishte nën vëzhgim drejtuesin e prokurorisë. Kjo pastaj nuk rezultoi shumë mirë për Edmond Karriqin.
Gjithashtu nga operacioni në pranga ranë edhe Isuf Gega me shoferin e Karriqit. Ndërkohë është lëshuar masa e sigurisë “arrest me burg” për dy persona të tjerë, D.D dhe E.B si të dyshuar se i kanë dhënë shumën monetare prokurorit Kariqi.
Edmond Karriqi është Drejtuesi i Komanduar nga KLP në krye të prokurorisë së Kukësit, ndërsa emërimin e tij, e ka si prokuror në detyrë në prokurorinë e Lushnjës.
Tre vite më parë Karriqi ka shërbyer si prokuror edhe në Kavajë.
