Kryetari i Partisë së Lirisë Ilir Meta ka hedhur sot akuza ndaj qeverisë Rama dhe vetë kryeministrit duke u shprehur se ai ka “ardhur i katapultuar në politikë”.
Teksa përmend edhe akuzat e ngritura ndaj tij, Meta shprehet se “unë gjumin e bëj të qetë”, ndërsa shton se Rama është “nxitës i këtyre palaçollëqeve” dhe se “shumë shpejt ai do dënohet në bazë të ligjeve që ka bërë vetë”.
“Unë gjumin e bëj shumë mirë se ditën e kam gjithmonë intensive gjumin e bëj shumë të qetë por këto sulme mua vetëm më nderojnë. Sulme dëshpërimi të gjithçka unë përfaqësoj në politikë që ka të bëjë me atdhedashurinë e përpjekjet e mia për luftën time pa kompromis ndaj mafies vendase e ndërkombëtare që kërkon ta ktheje Shqipërinë në një parajsë të krimit të organizuar ndërkombëtar e të pastrimit të parave. Në këtë planet jam kaq i lumtur dhe i qetë që nuk kam bërë asnjë shkelje ligji e as nuk më ka shkuar në mendje të bëj një gjë të tillë. Rama që është nxitësi i këtyre sulmeve kurtheve palaçollëqeve do përgjigjet shumë shpejt në bazë të ligjeve që ka bërë vetë e firmave, nuk do lejoj falsifikimin e asnjë firme të Ramës”, tha Meta.
Ndër të tjera kryetari i Partisë së Lirisë shprehet se aftësitë e Ramës janë të manipulojë.
“Rama i ka disa cilësi që duhet t’ia pranojmë siç ka dhe disa cilësi të tjera që vërtet kanë dalë të paparashikuara për shkak të mungesës së informacionit të duhur dhe ndryshimit të rrethanave. Cilësitë që meriton që e veçojnë është shumë ambicioz për të bërë një punë, i përkushtuar për të demonstruar një sukses apo arritje. Në këtë drejtim kjo është një aftësi që nuk mund të mohohet se nuk i kam dhënë dorën vetëm këtij se vinte me ide të reja e dëshirë, ishte një kohë që s’kishte figura të reja, u detyruam të shpiknim figura duke bërë ministra nga 30 vjeç, por koha tregoi se shumë prej tyre se patën atë energjinë për një mision më të madh publik apo individual”, tha Meta.
Discussion about this post