Tentoi të rregullonte ashensorin, dalin detajet e rënda nga vdekja e ish-komandantit të UÇK

Ish-komandanti i UÇK Deli Leka humbi jetën në Pejë, pasi ashensori i një ndërtese i ra sipër.

Sipas Policisë, 54 vjeçari ishte pronar i objektit.

Viktima ka tentuar fillimisht të rregullojë ashensorin, pastaj si pasojë e një defekti  pajosja ka filluar të lëvizë.

Po ashtu edhe Policia e Kosovës përmes raportit 24 orësh ka bërë të ditur se derisa viktima ka qenë duke punuar në një ashensor të një ndërtese në rrethana ende të panjohura ka rënë nga një lartësi dhe si pasojë e kësaj viktima ka ndërruar jetë.

Sipas raportit të policisë, ngjarja ka ndodhur rreth orës 15:03 në rrugën “Ali Pash Tepelena”, në Pejë.

“Rr. Ali Pash Tepelena, Pejë 04.10.2022 – 15:03. Derisa viktima mashkull kosovar ka qenë duke punuar në një lift të një ndërtese në rrethana ende të panjohura ka rënë nga një lartësi dhe si pasojë e kësaj viktima ka ndërruar jetë”, thuhet në raport.

Ndërsa, vdekjen e viktimës e ka konstatuar mjeku kujdestar, me vendim të prokurorit, trupi i pajetë dërgohet për obduksion në IML-Prishtinë.

Ndërkaq, sipas Policisë, rasti cilësohet si “hetim i vdekjes”.