Policia spanjolle ka arritur që të zbulojë një plantacion drogë, për të cilin kujdeseshin 6 shqiptarë. Duket se shqiptarët i kishin menduar mirë opsionet për t’u fshehur dhe për të mos u pikasur nga policia, pasi zona në të cilën kishin mbjellë hashashin, ishte tejet e vështirë dhe efektivëve të policisë u është dashur kohë ta lokalizojnë, si dhe më shumë se një orë ecje në këmbë për të mbërritur.
Sipas mediave spanjolle, shqiptarët jetonin në kushte tejet të vështira, teksa kujdeseshin për mbarëvajtjen e plantacionit.
Operacioni u krye mëngjesin e së enjtes pasi zbuluan se në zonën e përroit Om, në Susqueda, ishte fshehur një plantacion marihuane.
Policia katalanase vuri në pranga 6 personat, identiteti i të cilëve nuk është bërë i ditur, ndërsa konfiskuan mbi 685 bimë.
Mësohet se të arrestuarit janë të gjithë shqiptarë, mes moshës 27 deri në 40 vjeç, dhe paprecedentë të mëparshëm penalë.
Discussion about this post