Kryetari i Partisë së Lirisë, Ilir Meta ka komentuar lirimin nga burgu të ish-deputetit socialist Alqi Bllakos, i akuzuar për aferën e inceneratorit. Meta shprehet se lirimi i Bllakos tregon presionin që i është ushtruar hetuesve dhe Prokurorisë.
“Inceneratorët kemi të bëjmë me një organizatë kriminale. Në krye të së cilës është Edi Rama dhe Engjëll Agaci. Për një ditë kanë marrë 14 vendime kur kanë pasur disa ministra të rëndësishme kundër. Nuk mundesh të kalosh një vendim në qeveri kur ministri Financave nuk është dakord. Unë mendoj se do t’i shkojë drejtësia deri në fund kur të ketë ndryshim politik në Shqipëri. Me këtë qeveri nuk mund të ketë produkt nga SPAK-u. Lirimi i Alqi Bllakos tregon presionin që u është ushtruar hetuesve dhe Prokurorisë”, tha Meta.
Discussion about this post