Ish kreu i bandës së Durrësit, Indrit Dokle është shoqëruar në policinë e Tiranës mbrëmjen e sotme. Burime bëjnë me dije se arsyeja e shoqërimit të tij është se lëvizte me një person të shpallur në kërkim, mes të cilëve i shumëkërkuari Ervis Martinaj. Burimet thonë se shoqërimi i tij ka të bëjë më dosjen Martinaj. Pak ditë pasi deklaruan se shkëputën kontaktet, babai i të shumëkërkuarit deklaroi për hetuesit se dyshonte që Dokle kishte gisht në zhdukjen e tij.
Babai i Ervis Martinajt: Kemi dyshime për Indrit Dokle
Por, familjarët e biznesmenit të lojërave të fatit pretendojnë se Dokle ka gisht në zhdukjen e djalit të tyre. Babai i 40-vjeçarit, Mustafa Martinaj tha në Prokurorinë e Kurbinit se ata humbën kontaktet me njeriun e tyre të afërt në orën 19:30 të datës 9 gusht dhe beson se Indrit Dokle të ketë rrëmbyer Ervisin bazuar nga dëshmia e Nuredin Dumanit. “Me Ervisin i kemi humbur kontaktet më 9 gusht në orën 19:30 minuta. Kemi dyshime të forta se i përfshirë në këtë histori është Indrit Dokle lidhur edhe nga dëshmia e Nuredin Dumanit, i cili ka rrëfyer se do të paguhej 500 mijë euro nga i shumëkërkuari i drejtësisë për të ekzekutuar Indrit Doklen”, tregoi Mustafa Martinaj.
Indrit Dokle mohon të ketë lidhje në zhdukjen e Ervis Martinajt
Indrit Dokle, ish-nr. 2 i Bandës së Durrësit në fund të viteve ’90 dhe fillim ‘2000 dëshmoi lidhur me pistën e zhdukjes së 40-vjeçarit Ervis Martinaj. Ai mohoi të ketë gisht në këtë gjë si dhe shtoi se nuk ka asnjë dijeni se çfarë ndodh me këtë të fundit. Për alibi, Dokle tha se gjatë kohës që pretendohet se Martinaj është zhdukur që nga data 5 gusht, ai ka qenë në shoqërinë e personave të tjerë dhe kërkoi të verifikohet nga kamerat e sigurisë. Ai dyshohet se mund të ketë urdhëruar rrëmbimin e Martinajt pas dëshmisë së Nuredin Dumanit, i cili tregoi në SPAK se Martinaj i ofroi atij 500 mijë euro për të vrarë Doklen, por porosia nuk u çua deri në fund pasi Dokle ruhej mirë.
Discussion about this post