Gjendet një mjet i djegur në Fier. Makina është djegur pranë fshatit Shtyllas. Mjeti i djegur është gjetur pa targa dhe dyshohet se i është vendosur flaka qëllimisht.
Kanë qenë banorë të zonës ata që kanë parë flakët e kanë njoftuar forcat zjarrfikës. Makina është gjetur në një rrugë dytësore, lidhëse me By-Passin e Fierit.
Dyshimet se makina mund të jetë përfshirë në ndonjë ngjarje kriminale kanë bërë që të nisë puna për identifikimin e pronarit të mundshëm të automjetit nëpërmjet numrit të shasisë e detajeve të tjera, që i kanë shpëtuar djegies.
Njoftimi:
Fier / Informacion paraprak
Rreth orës 17:30, në aksin rrugor Fier-Levan, në anë të rrugës së fshatit Shtyllas, është gjetur i djegur plotësisht një automjet tip “Benz”, pa targa.
Në vendngjarje ka shkuar grupi hetimor dhe po punon për zbardhjen e plotë të rrethanave të ngjarjes.
Discussion about this post