Një ngjarje e rëndë është shënuar pasditen e sotme në një nga galeritë private në minierën e Bulqizës. Burime nga policia e Bulqizës bëjnë me dije se një minator ka humbur jetën si pasojë e një shpërthimi në Zonën e Parë.
Të njëjtat burime gjithashtu bëjnë me dije se 40- vjeçari punonte si zjarrmëtar dhe ka humbur jetën si pasojë e shpërthimit të lëndës plasëse. Policia ka nisur hetimet.
“Në një subjekt minerar në Bulqizë, dyshohet se gjatë punës, është aksidentuar shtetasi K.L., 52 vjeç, i cili si pasojë e dëmtimeve të marra ka humbur jetën”, njofton policia.
Grupi hetimor ndodhet në vendngjarje dhe vijon puna për zbardhjen e rrethanave të ngjarjes.
Discussion about this post