Një 45-vjeçar nga Kosova humbi jetën gjatë natës në Treviso të Italisë pas plagëve të marra në një përleshje në rrethin e Fierës, pasi u bë pjesë e një sherri që shpërtheu mes anëtarëve të grupeve të ndryshme etnike të huaja në zonën e Ballkanit.
Sipas mediave italiane, viktima është goditur disa herë me thikë, ndërsa disa persona të tjerë u plagosën dhe ndodhen në spital. Disa prej tyre janë shtruar në urgjencë, të tjerët sipas dëshmive kanë ikur përgjatë bregut të lumit Sile.
Nuk dihen ende arsyet e kësaj historie, megjithëse nuk përjashtohet që të ketë lidhje me një rrahje të regjistruar pak ditë më parë në afërsi të zonës. Policia shkoi në vendin e ngjarjes dhe po punon për zbardhjen e plotë të rrethanave.
Discussion about this post