Plani ekonomik i kryeministres së Britanisë së Madhe Liz Truss, është konsideruar si një gabim nga ana e presidentit të SHBA, Joe Biden. Ky i fundit deklaroi se nuk ishte i vetmi që e mendonte kështu, dhe parashikoi që rezultati do të ishte i dobët.
Plani i Truss i cili çoi tregjet financiare në kaos dhe shkaktoi një rënie të madhe në vlerën e paundit, është rrëzuar nga kritikët për mospërdorimin e parashikimeve nga Zyra për Buxhetin.
Si rezultat, ajo është detyruar të tërhiqet nga nisma e saj agresive për uljen e taksave dhe të shkarkojë Këasi Këarteng si kancelar.
I pyetur për strategjinë, Biden shpjegoi se megjithëse nuk ishte dakord me planin e kryeministres, në fund të fundit varet nga populli britanik.
Ai hodhi poshtë gjithashtu shqetësimet për fuqinë e dollarit pas rënies së paundit, duke thënë: “Unë nuk jam i shqetësuar për fuqinë e dollarit. Jam i shqetësuar për pjesën tjetër të botës.”
“Problemi është mungesa e rritjes ekonomike dhe politikave të shëndosha në vendet e tjera,” shtoi presidenti.
Javët e fundit, dollari ka vendosur një rekord të ri kundrejt paundit, i cili përfiton nga importet amerikane, por që i bën eksportet e vendit më të shtrenjta në pjesën tjetër të botës.
Discussion about this post