Ogerta Manastirliu nuk heq dorë nga Sokol Topçiu, kur është fjala për tenderat. Nëse dikur Topçiu rrezikoi të helmonte shqiptarët me ilaçet kontrabandë dhe të pakontrolluar që shiste, tani Manastirliu i kërkon solucion anti-helmues ndaj gjarpërinjve. Bëhet fjalë për tenderin me numër reference REF-39246-08-18-2022 me objekt blerje Viper venom antiserum (Antiserum i helmit të nepërkës).
Për këtë solucion ministrja e Shëndetësisë do t’i paguajë Topçiut 320 milionë lekë. Tenderi është mbyllur me datë 12 tetor, por në shkelje të ligjit. Përveç firmës FarmaNet të Sokop Topçiut asnjë firmë tjetër nuk ka shfaqur interes. Gjarpërinjtë qenkan monopol i Topçiut. Me këtë tender po na duket sikur jetojmë në “Ishullin e Gjarpërinjve”. Kështu në mungesë të konkurrencës kjo kontratë i është dhuruar Topçiut. Monitoruesi Open Data e ka shënuar këtë procedurë të prokurimit publik me “Flamur të Kuq” për mungesë konkurrence.
Nuk e dimë se çfarë mund t’ia lidh kaq shumë ministren me këtë biznesmen, i cili ka vënë në rrezik jetën e qytetarëve dhe ka njollosur sistemin e shëndetësisë. Rikujtojmë se Topçiu u burgos për shitje ilaçesh kontrabandë për Covid-19. Ai bëri tre ditë burg dhe më pas u la në arrest shtëpie. Një administrator kompanie i dënuar nga ligji përjashtohet automatikisht nga procedurat e konkurrimit publik, por ministrja ka imunitet. Kuriozitet i madh do të ishte se sa njerëz pësojnë pickime gjarpri në Shqipëri?
Discussion about this post