Kandidati për primaret e Partisë Demokratike në Bashkinë e Kavajës, Fisnik Qosja ka deklaruar se hyri në këtë garë falë mbështetjes së të djathtëve. Ai garantoi qytetarët se do të sjellë ndryshim dhe kërkoi përkrahjen e tyre.
“Unë jam pjesë e primareve falë mbështetjeve që kamë në degën në Kavajë, Jam krenar, sepse kjo më ngarkon me përgjegjësia për të qenë sa më korrekt me njerëzit. Do t’u ofrojmë model të ri, të cilët jo për të kryer hallet tona personale, por për të kryer hallet e qytetarëve. Bashkia e Kavajës është plaçkitur gjithmonë. Procesi i primareve e saktëson më së miri këtë gjë, sepse vota është kryesore. Primaret janë gjëja më e duhur”, tha ai.
Kandidati Qosja thotë se ka ardhur koha, që Bashkia e Kavajës të ketë një imazh të ri dhe u shpreh i sigurt se PD-ja do të dalë fituese në zgjedhjet e 14 majit.
“Ka ardhur koha, që qyteti i Kavajës të ketë një imazh të ri, sepse kjo i bën mirë të ardhmes. Kemi një bashki të falimentuar, kemi një ujësjellës të falimentuar. Bashkia e Kavajës është për të ardhur keq. Fitorja e PD në Kavajës është e padiskutueshme dhe e sigurt. Unë do ta mund me ide. Kavajës i ka ikur çdo lloj institucioni. Do tu shtrojë dorën të gjithëve, demokratëve dhe socialistëve, sepse Kavaja është e para. Problematikat në Kavajë janë të pafundme, por janë të realizueshme, me atë se çfarë diskutoj me njerëzit.”, tha ai.
Në fund të intervistës, Qosja ftoi të rinjtë e Kavajës të mos largohen, por të investojnë në vendin e tyre.
“Ne kemi në projekt, unë takoj të rinj, që shkollohen, që janë pjesë aktive , por me shumë vështirësi, Duhet të rrinë në Kavajë, duhet të jemi bashkë për ta mbajtur. Kavaja është dallëndyshja e parë e demokracisë. Është për të ardhur keq, që Kavaja lëngon për shkak të keqqeverisjes”, theksoi ai.
Discussion about this post