Kryeministri Edi Rama, ka kritikuar nga Berlini politikat sipas tij të dështuaar të Mbretërisë së Bashkuar për trajtimin e emigrantëve të paligjshëm dhe retorikën ndaj shqiptarëve. Rama tha se Britania duhet të marrë shembull nga Gjermania në mënyrën se si i trajton refugjatët shqiptarë, duke thënë se këta nuk ndezën “ndizej një narrativë të çmendur gangsterësh për të maskuar politikat e dështuara.
Kryeministri tha se nuk ka dëgjuar kurrë një politikan gjerman e as ministër që të flasë për pushtim dhe të cilësojë shqiptarët kriminelë, siç sekretarja e Brendshme britanike bëri.
“Gjermania disa vite më parë pati një valë të madhe të refugjatëve, jo vetëm nga rajoni dhe nuk dëgjova asnjë politikan gjerman e jo më ministra të flasin kështu. S’dëgjova ministër të brendshëm të thotë se shqiptarët janë kriminelë, por pashë një qeveri të interesuar që e trajtoi çështjen me dinjitet, duke e radhitur në listën e vendeve të sigurta, e duke i dhënë fund asaj trazie të atij momenti në mënyrën më dinjitoze. Në vend të ndizej një narrativë e çmendur gangsterësh për të maskuar politikat e dështuara, politikanët gjermanë ishin krejt e kundërta. Qytetarët tanë që kanë mbërritur në Francë kanë qenë të ligjshëm, s’ka përgjegjësi Franca apo Shqipëria. Nuk duhet pranuar kurrsesi kjo lloj retorike, shqiptarët atje janë të shkëlqyer, nuk janë miliona. 1200 drejtues biznesesh shqiptarë e akademikë të respektuar e kur vjen fjala për kriminelët në burgjet britanike janë më pak se 1%. Kjo tingëllon si britmë nga një çmendinë jo si diçka britanike”, tha Rama.
Discussion about this post