Partizani pëson humbjen e dytë radhazi, teksa këtë herë u mund nga Laçi në transfertë. Goli i Ujkës i realizuar në minutën e 13-të u dha fitoren e tretë radhazi kurbinasve.
Bardhezinjtë ishin dukshëm më superiore, duke pasur shumë mundësi për të shënuar edhe golin e dytë. Nga ana tjetër, të kuqtë e patën të vështirë për të rrezikuar, teksa një goditje e Hotit në pjesën e dytë ishte rasti i parë serioz.
Ndërsa në sekondat e fundit të ndeshjes, kryeqytetasit goditën shtyllën, por pa arritur që të barazonin rezultatin.
Pas këtij takimi, Partizani zbret në vendin e dytë, duke mbetur në kuotën e 19 pikëve. Laçi tani pozicionohet në vendin e gjashtë me 14 pikë.
Discussion about this post