Kryeministrja e Finlandës Sanna Marin nuk ka lënë pas dore detyrat e saj zyrtare gjatë festave që mori pjesë gjatë verës, deklaroi sot kancelari i Drejtësisë, Tuomas Poysti.
“Nuk ka asnjë arsye për të besuar se liderja e qeverisë socialdemokrate mund të ketë neglizhuar detyrat e saj zyrtare ose shkelur ligjin”, tha Poysti pas shqyrtimit të ankesave për sjelljen rekreative të kryeministes 36-vjeçare.
Marin bëri bujë në gusht për shkak të videove në një festë private që e shfaqte atë duke kërcyer dhe kënduar me miqtë. Një nga videot që nxiti pretendimet se ajo mund të kishte konsumuar drogë.
Kryeministrja, Marin i mohoi të gjitha akuzat dhe iu nënshtrua një testi droge, i cili rezultoi negativ.
Në Finlandë, kancelari i pavarur i Drejtësisë kontrollon ligjshmërinë e aktiviteteve të qeverisë, presidentit dhe autoriteteve. Qytetarët mund të paraqesin ankesa tek ai nëse dyshojnë për sjellje të paligjshme.
Pasi festat ku kishte marrë pjesë Marin u bënë publike, Poysti iu dorëzuan një sërë ankesash. Marin u akuzua se ishte e papërshtatshme për detyrat e saj për shkak se kishte konsumuar alkool.
Discussion about this post