Deputeti i Partisë së Lirisë Petrit Vasili akuzoi kryeministrin Rama se është i kapur keq për shkak të paradhënieve të majme. Ai iu referua aferës së Portit të Durrësit.
Ndër të tjera deputeti i PL tha se janë qindra milionë euro që nuk do derdhen në arkën e shtetit. Kjo për shkak të një vendimi që ka marrë kryeministri Rama.
Petrit Vasili: Sot në një moment shfrenimi të vërtetë si cdo njeri i kapur në faj e krim të rëndë shtetëror u përpoq të justifikonte aferën e tmerrshme mafioze të Portit të Durrësit. Aferë kjo disa miliarda euro, 2 mld te shkruara në letër e miliarda të tjera që janë të padeklaruara.
Lexo edhe: “Rama nuk më tremb”, Salianji i vendosur: Do mbroj interesin publik
Mori përsipër të gënjente. E tha me gojën plot që shteti nuk do paguajë asnjë lekë. Por do përfitojë investim 2 miliardë euro.
Ne nuk jemi Edi Rama por flasim me fakte e dokumente.
Ky është vendimi i komitetit të investimeve strategjike që drejtohet nga Edi Rama.
Në faqen 5, thuhet: “ky projekt do përjashtohet nga taksa e ndikimit mbi infrastrukturë dhe taksa e strehimit social”.
Bëhet fjalë për qindra miliona euro. Që nuk do derdhen në arkën e shtetit, por do jenë si kontribut i shtetit. Do venë në dispozicion të aferës së portit të Durrësit.
Rama në nxitim shumë të madh, i kapur keq për shkak të paradhënieve të majme që marrin, na foli sot për grupin e madh që ka ndërtuar Dubain.
Discussion about this post